Bloggun í forgangi

Jæja, vegna fjölda áskorana neyðist ég til þess að blogga!

Það er er orðinn all langur tími síðan ég bloggaði, og á þeim tíma ferðaðist ég heim til íslands yfir
jólin og hafði mjög gott 3 vikna frí með fjölskyldu og vinum :). Veðrið var viðbjóður eins og flestir
muna eftir en lét maður það ekki stoppa sig oft á tíðum þó við fórum nú ekki í bæinn á gamlárskvöld.

Svo varð ég 22 ára þann 1. Janúar og hélt ég upp á afmælið mitt heima hjá Markúsi í fínu partýi með mínum helstu vinum og verður drykkurinn MOSCOW MULE í hávegum hafður hér eftir!

Moscow Mule (Uppskrift)

Vodki 25-30%
Ginger Ale 65%
Pressaður Lime safi 5-10%

Ég verð aldrei samur eftir að Helgi kynnti mér fyrir þessum brjálaða drykk og hef ég þegar hafið undirbúning á næsta partýstandi hjá mér að blanda mér þetta!


Persónulega fannst mér þetta frí vera helst til langt, því það dregur úr manni svolítið hafa snúið sólarhringnum við og vera í fáránlegri afslöppun í of langann tíma.

Svo þegar ég kom heim voru byrjaðar framkvæmdir á klósettunum í allri blokkinni og hafa verið töluverð læti síðan þá. Þeir fóru líka í eldhúsið og lömdu þeir næstum í gegnum vegginn þar sem ég var sofandi, það kom gat á málningarpappírinn og allt!. Svo hafa þeir komið fyrir þurrklósetti inni á ganginum sem er vægast sagt nokkuð ógeðslegt en er allavega betra en að labba niður í garð og fara á klósettið þar! Við ákváðum þó að einungis pissa í þurrklósettið hehe.

En nú er Isabel búin að vera í prófum og stóð sig bara nokkuð vel og náði munnlega prófinu en á eftir að fá úr skriflega. Hún fékk líka nýja vinnu við líffræðina að telja og greina frjókorn sem eru í loftinu. Núna er hún í viku skíðafríi í frakklandi og kemur heim aftur á sunnudaginn. Á meðan er ég einn heima og er að fara að vinna á megaviku hjá Dominos.

Ég held að það sé komið nóg í bili og ég lofa að ég skrifa meira :)

Með kveðju frá danmörku